1973 оныг хүртэл байгалийн сайхан цогцолсон эрдэнэсийн ордны уурхайн талын цэцэгс халиурсан нутагт эрин зууны манлай бүтээн байгуулалт Эрдэнэт хотын Илгээлтийн эзэд Барилгын цэргийн анги салбарууд майхан босгон байршилж байжээ. Анхны засаг захиргаа “Найрамдал хороо” нэртэйгээр 1974-1979 онд байгуулагдсан түүхтэй. 13560 га газар нутагтай, Гэр хороолол, Чулуут, Дэнж, Хонхор Булагт А,Б,В, Говил А, Илгээлт, Тахилт, 100 айл, Ар булаг,Баянцагаан,Бөхөн, нэртэй хэсгүүдтэй.
Монгол улсын 1992 онд батлагдсан Үндсэн хууль Засаг захиргаа нутаг дэвсгэрийн удирдлагын тухай хуулийн заалтын дагуу Эрдэнэт хот Орхон аймаг болж Найрамдал хороо Баян-Өндөр хороо нэгдэж Баян-Өндөр сум нэртэй засаг захиргааны шинэ бүтэцтэйгээр 13 багтайгаар 1994 оны 04 сарын 08 ны өдрийн Эрдэнэт хотын АДХ-ын гүйцэтгэх захиргааны 14 дүгээр тогтоолоор манай Говил баг зохион байгуулагдсан.
Говил багийн анхны Засаг даргаар Батаагийн Сүхбаатар, зохион байгуулагчаар Бэгзийн Лхагвасүрэн нар томилогдон 500 гаад өрх, 2000 гаруй хүн амтай, 2500 гаруй толгой малтай, 16 албан байгууллага, аж ахуйн нэгжийн бүртгэлтэй ажиллаж эхэлсэн түүхтэй. 27 гудамж, 450 хашаа, 31 нийтийн байр, 2 орон сууц, 100 айлын 50 байр, 14 хайус, төрийн байгууллага 6, аж ахуйн нэгж компани 36, хувиараа хөдөлмөр эрхэлдэг өрхийн үйлдвэрлэгч 46, төрийн бус байгууллага 2, шашны байгууллага 3, салбар цэг 6 тус тус үйл ажиллагаа эрхэлж ажиллаж амьдарч байна.
Түүхт хугацаанд багийн Иргэдийн нийтийн хурлаар даргаар Дуламжавын Агваанжамба, Лэгшиджамцын Тогоо, Аюушжавын Лхагвасүрэн, Лхагвадоржийн Болдсайхан, Чойжилсүрэнгийн Энх-Амгалан, Багийн засаг даргаар Батаагийн Сүхбаатар, Бэгзийн Лхагвасүрэн, Товуучийн Мөнхтогтох, Самбуугийн Лхагвасүрэн, Гомбын Оюунцэцэг, Лхагвасүрэн Даваажав /үүрэг гүйцэтгэгчээр Г.Алтанцэцэг, П.Түвшинжаргал, Т.Сувд-Оюун/.
Багийн зохион байгуулагчаар Б. Лхагвасүрэн, Л.Дулмаа, Ц.Эрдэнэтуяа, Д.Жамъянмядаг, Б.Батцэцэг, С.Лхагвасүрэн, А.Пүрэвбадам, Ц.Дэмчигжав, Б.Баяртцэцэг, М.Амгалан, Г.Ганхаш, Г.Оюунцэцэг, Г.Баярмагнай, Б.Алтанцэцэг, Багийн Нийгмийн ажилтан Лхагвасүрэнгийн Даваажав, Багийн хэсгийн ахлагчаар Жигжжавын Батцэцэг, Цээпилийн Шугарсүрэн, Самбуугийн Ланзан, Дашренчингийн Амгалан, Ланзангын Баяржаргал, Лхагвасүрэнгийн Даваахишиг, Нэргүйн Оюунтуяа, Манжилжавын Гончигренчин, Лхагваагийн Мөнхжаргал, Довчингын Хандаа, Гүнчингийн Оюунгэрэл, Хуушааны Сувдаа, Доржийн Оюун-Эрдэнэ, Батхүүгийн Оюунчимэг, Дагва-Очирын Намнан, Жамбаагийн Оюунцэцэг, Томбогодойн Ганбаатар, Дашийн Өлзийсайхан, Эрхээбаатарын Эрдэнэчимэг, Лхагвасүрэнгийн Батчимэг, Бямбажавын Мөнгөнцэцэг нар.
Одоогийн байдлаар манай баг нь 1000 өрх 4000 орчим хүн амтай үүнээс ахмад настан 400, хөгжлийн бэрхшээлтэй 280 иргэн, хүн амын 62,8% нь хүүхэд өсвөр насныхан, 89 өрх 5600 гаад толгой малтай, 70 гаруй албан байгууллага, аж ахуйн нэгж үйл ажиллагаа эрхэлж байгаа, хувиараа болон өрхийн үйлдвэр эрхлэгчид 40 гаруй үйлдвэрлэл үйлчилгээ явуулж байна. Орхон аймгийн аж үйлдвэрлэлийн паркын хилийн цэс багийн нутаг дэвсгэрт шан татагдсан тул шинээр аж ахуйн нэгжүүд нэмэгдсээр өргөжин тэлж байна.
Өнөөдөр таньд Багийн Иргэдийн нийтийн хурлын дарга Ч.Энх-Амгалан, Засаг дарга Л.Даваажав, зохион байгуулагч Б.Алтанцэцэг, нийгмийн ажилтан Б.Өрнөхтуяа, хэсгийн ахлагч Ж.Оюунцэцэг, Б.Мөнгөнцэцэг, Ж.Батцэцэг, Халамжийн мэргэжилтэн Д.Мөнхдэлгэр Ахмадын зөвлөлийн дарга Д.Сэр-Од,нар үйлчилж байна.
2002 оны Баян-Өндөр сумын “Тэргүүний баг” -3 дугаар байр
2003 оны “Хүүхдэд ээлтэй баг”
2007 онд багийн шинэ ажлын байртай болсон 100 айл 41б тоот
2008 онд “Хүүхдэд ээлтэй баг” “Аймгийн 2013 оны шилдэг хамтарсан баг”,
2014 оны “Баян-Өндөр сумын тусгай байрын шагналтай.
2015 онд аймгийн “Хүүхдэд ээлтэй баг”-аар шалгарсан амжилт бүтээлтэй хамт олон.
2016 онд Шилдэг баг хамт олоноор шалгарсан.
Сэтгэгдэл үлдээх