Жижиг дунд үйлдвэрлэлийг бий болгох, ажлын байрыг нэмэгдүүлэх зорилгоор багийн брэнд бүтээгдэхүүн шалгаруулах үзэсгэлэн худалдааг Баян-Өндөр сумын 21 баг тус бүртээ зохион зохион байгуулдаг уламжлалтай.
Энэ удаад Баянцагаан баг брэнд бүтээгдэхүүнээ шалгаруулах үзэсгэлэн худалдааг Баянцагаан соёлын төвд зохион байгууллаа. Нийт 30 гаруй өрхийн болоод жижиг дунд үйлдвэрлэл эрхлэгчид оролцож өөрсдийн бүтээгдэхүүнээ танилцуулжээ. Үүнээс онцолбол Баян-Өндөр суманд анх удаагаа зигзаг модны үйлдвэрийг байгуулсан үйлдвэрлэгч, малын баасыг модны үртэстэй хольж шахмал түлш үйлдвэрлэж буй иргэн, сур, суран эдлэл үйлдвэрлэдэг гар урчууд хамтран бүтээгдэхүүн үйлдвэрлэхээр болсон гээд үзэсгэлэн худалнааны онцлог их байлаа.
Өрхийн болоод жижиг дунд үйлдвэрлэл эрхлэх хүсэлтэй иргэдийг дэмжин үйлдвэрлэлээ өргөтгөх ажлын байраа нэмэгдүүлэх тал дээр анхаарч орон нутгийн зүгээс олгодог хөнгөлөлттэй зээл тусламжид хамруулдаг. 2019 онд Баянцагаан багаас 20 гаруй бичил бизнес эрхлэгчид энэ төрлийн зээл тусламжид хамрагдсан байна.
Сэтгэгдэл үлдээх